Cortegis da ravas

Sparta:
Praticas socialas
Chantun:

Descripziun

En differentas vischnancas ed en differents quartiers da citads dal chantun Turitg han lieu mintgamai enturn ils 11 da november, il di da Son Martin, cortegis da ravas. Accumpagnads da musica portan uffants e giuvenils sin il far notg ravas stgavorgiadas ed entagliadas, illuminadas cun ina chandaila a l'intern tras las vias. Savens datti a la fin da la ruta dal cortegi insatge da baiver u ina buccada da mangiar. Quest usit da glisch vegn organisà da centers culturals e da cuminanza, d'uniuns da quartier, da cumins-baselgia, da scolas e da scolinas.

La festa la pli impurtanta cun ravas illuminadas è il cortegi da ravas da Richterswil («Räbechilbi Richterswil»). Dapi l'onn 1908 vegn quel organisà da l'uniun locala da traffic ed è sa sviluppà en il decurs dals onns ad ina festa populara cun in'attracziun surregiunala. En trens e bastiments spezials vegnan millis da giasts transportads la notg da las glischs a Richterswil.

Il purtar glischs tras las vias è in dals usits pli giuvens. Observaziuns fidadas da cortegis cun glischs en la part sura dal chantun Turitg dateschan dals onns 1920. Oriundamain vegnivan las ravas probablamain purtadas singulas tras las vias e betg en cortegis organisads. L'usit aveva lieu en champagna en in rom famigliar.

Gallaria d'illustraziuns

  • La chasa communala da Richterswil vegn illuminada da pliras tschient ravas © André Springer, Horgen, 2010
  • «Chau-luv» dal UHC Greenlight, «Steve Lee» da la segunda classa superiura, «chau-tigher» da l'uniun da gimnastica Satus © André Springer, Horgen, 2010
  • «Pendula» dal club maritim da Richterswil cun passa 100 ravas © André Springer, Horgen, 2010
  • «Ura da cucu» da l'uniun da gimnastica da Richterswil e «panthera tigris» dal club da ballape amez ils numerus aspectaturs © André Springer, Horgen, 2010
  • La chasa communala da Richterswil vegn illuminada da pliras tschient ravas © André Springer, Horgen, 2010
  • «Chau-luv» dal UHC Greenlight, «Steve Lee» da la segunda classa superiura, «chau-tigher» da l'uniun da gimnastica Satus © André Springer, Horgen, 2010
  • «Pendula» dal club maritim da Richterswil cun passa 100 ravas © André Springer, Horgen, 2010
  • «Ura da cucu» da l'uniun da gimnastica da Richterswil e «panthera tigris» dal club da ballape amez ils numerus aspectaturs © André Springer, Horgen, 2010

Referenzas e dossier

Publicaziuns

  • Adrian Bänninger: Die Räbechilbi in Richterswil. Ein Lichtbrauch im November im Kanton Zürich. In: Sechseläuten und Morgestraich. Die schönsten Feste und Bräuche der Schweiz. Geschichte und Gegenwart. Von Adrian Bänniger. Kreuzlingen, 2007, p. 176-179

  • Albert Bärtsch: Räbechilbi in Richterswil. In: Schweizer Feste und Bräuche: Volksfestkultur im Jahresverlauf (vol. 2). Von Albert Bärtsch. Wädenswil, 2009, p. 186-187

  • Ueli Gyr: Räbelichtli-Umzüge im Kanton Zürich. In: Das Jahr der Schweiz in Fest und Brauch. Ed. Rolf Thalmann, Fritz Hofer. Zürich, 1981, p. 265-266

  • Elsbeth Liebl: Umziehen mit Lichtern. In: Atlas der schweizerischen Volkskunde. Kommentar II, p. 221-230

  • Werner Röllin: Die Richterswiler «Räbechilbi». Ein Beispiel für Braucherhaltung und -gestaltung. In: Schweizerisches Archiv für Volkskunde vol. 77. Basel, 1981, p. 151-177

  • Emil Stauber: Sitten und Bräuche im Kanton Zürich (2 Teile). Aberglauben und Sagen im Kanton Zürich. Zürich, 1922 und 1924

  • Rolf Thalmann: Die Räbechilbi in Richterswil. In: Brauchtum und Volksfeste in der Schweiz. Von Rolf Thalmann. Zürich, 1992, p. 45

Dossier
  • Räbenlichter-Umzüge

    Ausführliche Beschreibung Ultima modificaziun: 04.06.2018
    Dimensiun: 183 kb
    Tip: PDF