Fin da la navigaziun principala
Entschatta dal navigatur
Nadal en l'Appenzell Dadens
Descripziun
Il chantun Appenzell dadens è enconuschent per sia gronda diversitad da tradiziuns da Nadal che stimuleschan tut ils senns. Il temp da Nadal cumenza cun exponer ils uschenumnads «Chlausebickli» (pizieutas coluradas) da Numnasontga. Ils uffants survegnan da lur madritschas e padrins pizieutas che na dastgan betg vegnir mangiadas immediatamain e che cumparan puspè pli tard tranter l'uschenumnà «Chlausezüüg» (in tip da pignol da Nadal fatg ord pizieutas) da Nadal. Ils «Chlausebickli» ed ils «Devisli» tutgan per forza tar il «Chlausezüüg». Quel sa cumpona oz d'in rom da lain cun tschintg chantuns che vegn pli e pli stretg vers ensi. L'intern en furma d'in tgeiel era oriundamain fatg da pasta da tarschola («Filebrood»), da pizieuta emplenida, da maila, da nuschs e da paira tosta. Ils «Devisli» èn pitschnas furmas coluradas fatgas da pasta da zutger sientada. Els èn furmads cun inschign e mussan divers maletgs, tranter auter da la vita purila tradiziunala da l'Appenzell Dadens. La vigilgia da Nadal savuri en las giassas e chasas dad Appenzell dadens d'intschains. Ministrants, umens, pli darar dunnas ed uffants passan cun in intschenser u cun l'uschenumnada padella d'intschains («Räuchlipfanne») tras lur stanzas, tras lur lavuratoris e tras lur stallas per als benedir.
Gallaria d'illustraziuns
Documents da video
Usits da Nadal da l'Appenzell Dadens cun l'intschains © Thomas Karrer/Museum Appenzell, 2007
Usits da Nadal da l'Appenzell Dadens: producziun dals Chlausebickli © Thomas Karrer/Museum Appenzell, 2007
Usits da Nadal da l'Appenzell Dadens: Vögl, Filebrood e petta da chaschiel © Thomas Karrer/Museum Appenzell, 2005
Referenzas e dossier
- Publicaziuns
Ferdinand Fuchs: Das religiöse Brauchtum in Innerrhoden. In: Unser Innerrhoden. Ed. Landesschulkommission Appenzell Innerrhoden. Mit Beiträgen von Josef Küng, Ferdinand Fuchs, Roland Inauen, Oskar Keller, Joe Manser, Johann Manser, Edi Moser, Alfred Sutter. Appenzell, 2003
Albert Spycher: Ostschweizer Lebkuchenbuch. St.Galler und Appenzeller Biber, Biberfladen und Verwandte. Herisau, 2000
Walter Koller: Leben und Brauchtum in Appenzell Innerrhoden. Herisau/Trogen, 1983
- Dossier
- Innerrhoder Weihnachten
Ausführliche Beschreibung Ultima modificaziun: 04.06.2018
Dimensiun: 218 kb
Tip: PDF
- Innerrhoder Weihnachten